नाइट क्लबको छत भत्किँदा सय जनाको मृत्यु

काठमाडौं- डोमेनिकन रिपब्लिकनमा एक क्लब घरको छत भत्किँदा झन्डै १०० जनाको मृत्यु भएको छ।

गायक रुबी पेरेजको जेट सेट नाइट क्लबमा कन्सर्ट चलिरहँदा क्लबको छत भत्किएको थियो। स्थानीय सञ्चारमाध्यमका अनुसार छत भत्किने समयमा पाँच सयदेखि एक हजार मानिस सहभागी थिए।

प्रख्यात डोमिनिकन मेरेन्गु गायक पेरेजले मञ्चमा गाइरहेको अवस्थामा मध्यरातमा छत भत्किएको थियो।

राष्ट्रपति लुइस अबिनाडरकाले घटनास्थलको भ्रमण गरी तीन दिनको राष्ट्रिय शोकको घोषणा गरेका छन्।