तीनकुने घटनाका मृतकका परिवारलाई मीनबहादुर गुरुङले आठ लाख सहयोग गर्ने

काठमाडौं- भाटभटेनी सुपरमार्केटका सञ्चालक मीनबहादुर गुरुङले चैत १५ गतेको घटनामा मृत्यु भएका दुई युवाको परिवारलाई आर्थिक सहयोग गर्ने घोषणा गरेका छन्।

आज एक कार्यक्रममा उनले पत्रकार सुरेश रजक र सवारी मजदुर सविन महर्जनको परिवारलाई आर्थिक राहत दिने बताएका हुन्।

उनले सुरेशको परिवारलाई ५ लाख र सविनको परिवारलाई ३ लाख रुपैयाँ दिने घोषणा गरेका छन्। चैत १५ मा भएको राजावादीको प्रदर्शनका क्रममा दुवै युवाले तीनकुनेमा ज्यान गुमाएका थिए।