माटोको ढिस्कोले पुरिएर दुई महिलाको मृत्यु

अछाममा माटोको ढिस्कोले पुरिएर दुई महिलाको मृत्यु भएको छ। 

मृत्यु हुनेमा मंगलसेन नगरपालिका–८ सुतुडाकी २७ वर्षीया देउरुपा बोहरा र २३ वर्षीया बिनिता बोहरा रहेका अछाम प्रहरीले जनाएको छ।

देउरुपा र बिनिता एकै घरका जेठानी–देवरानी हुन्। छिमेकी ९ नम्बर वडाको ओली गाउँस्थित रातोमाटे भन्ने ठाउँमा माटो खन्न गएका उनीहरु माथिबाट खसेको ढिस्कोले पुरिएका थिए। घटनाबारे थाहा पाएलगत्तै उद्धारमा खटिएका स्थानीयले उनीहरुको शव निकालेका छन्।

कमजोर भूगोल र लामो समयदेखि स्थानीयले एउटै ठाउँमा माटो खन्ने गरेका कारण घटना भएको अनुमान गरिएको छ।