टिकटक भिडियोलाई लिएर बुबाले गरे छोरीको हत्या

पाकिस्तानको क्वेटा शहरमा एक व्यक्तिले गोली हानेर आफ्नै छोरीको हत्या गरेका छन्।

ती व्यक्तिले हालै आफ्नो परिवार अमेरिकाबाट पाकिस्तान लिएर आएका थिए। उनले आफ्नी नाबालिग छोरीको हत्या गरेको स्वीकार गरेका छन्। छोरीले टिकटक भिडियो बनाएको मन नपरेर छोरीको हत्या गरेको बयान उनले प्रहरीमा दिएका छन्।

अमेरिकी नागरिकतासमेत रहेका ती व्यक्तिलाई आफ्नी छोरीको टिकटक पोष्ट आपत्तिजनक लागेको थियो। घटनाको सम्बन्धमा सबै एंगलबाट अनुसन्धान भइरहेको पाकिस्तानी प्रहरीले बताएको छ।