भारत उत्तर प्रदेशको प्रयागराजमा जारी महाकुम्भ मेलामा भागदौड मच्चिँदा १५ जनाको ज्यान गएको छ।
बुधबार राति करिब एक घाटमा भागदौड मच्चिएको थियो। भागदौडमा थुप्रै घाइतेसमेत भएका भारतीय सञ्चारमाध्यमले जनाएका छन्।
समाचार एजेन्सी एएफपीले प्रयागराजका एक डाक्टरलाई उद्धृत गर्दै घटनामा कम्तीमा १५ जनाको ज्यान गएको बताएको छ। बुधबार एकैदिन करिब तीन करोड मानिसले कुम्भ स्नान गरेका थिए।
मंगलबार अबेर राति मौनी औंसीको अवसरमा अमृत स्नान भइरहेको थियो। त्यही क्रममा भागदौड मच्चिएको हो।
प्रकाशित: Jan 29, 2025| 12:39 बुधबार, माघ १६, २०८१
