कर्णालीलाई हराउँदै जनकपुर पुग्यो एनपिएल फाइनलमा

काठमाडौं- कर्णाली याक्सलाई २ विकेटले हराउँदै जनकपुर बोल्ट्स एनपिएलको फाइनलमा पुगेको छ। कर्णालीले दिएको ११९ रनको लक्ष्य पूरा गर्दै जनकपुर फाइनलमा पुगेको हो।

फाइनल खेल सूदूरपश्चिम रोयल्स र जनकपुर बोल्ट्सबीच हुने भएको छ। खेल शनिबार हुनेछ।

बुधबार भएको पहिलो क्वालिफायरमा सुदूरपश्चिमले जनकपुरलाई हराएको थियो। कर्णाली याक्सले भने इलिमिनेटरमा चितवन राइनोजलाई हराउँदै दोस्रो क्वालिफायर खेल्ने मौका पाएको हो।