उत्तमले ल्याए नयाँ गीत

युवा गायक तथा संगीतकार उत्तम थापा मगर र  गायिका कुशु गुरुङले  ''सानान्नी'' बोलको कौडा गीतको रमाइलो भिडियो सार्वजनिक गरेका छन । उत्तमकै शब्द संगीतको गीतलाइ दुर्गा गुरुङले एरेन्ज गरेका छन । 

फरक फरक शैलीका गीत गाउन सिपालु उत्तमले यसपाली गण्डकी प्रदेशको लोकप्रिय भाका कौडागीतमा आफ्नो क्रियसन प्रस्तुत गरेका हुन् । अभिज  बज्राचार्यको क्यामेरा सुप्रिम पराजुलीको सम्पादन रहेको  ''सानान्नी''को म्युजिक भिडियोलाई चित्र मगरले निर्देशन गरेका हुन । नायिका आरुषी मगर र उत्तम थापामगरको अभिनय रहेको  भिडियोमा बिशेषगरी  कौडा नृत्यलाइ देखाउन खोजिएको छ ।

२०६५ सालदेखि नेपाली सांगीतिक क्षेत्रमा सक्रिय भएका संगीतकर्मी उत्तमले यसअघि आधुनिक तथा सुगम शैलीमा आधारित चार वटा एकल गीति एल्बम र दर्शक तथा स्रोतामाझ ल्याइसकेका छन् । उनको मै काले, विदेशीएको, आखा भरि, मैच्याङको गालैमा, जोर मादल र मगर भाषाको गीत 'साली' चर्चित छन ।

ललितकला क्याम्पसमा संगीतको औपचारिक अध्ययन प्रारम्भ गरेका संगीतकर्मी मगर भारतको इलाहावाद संगीत विद्यालयबाट छैटौं वर्षको अध्ययन पूरा गरिसकेका छन् । वर्ष २०६७ र ६८ मा उनले त्यहाँबाट स्वर्ण पदक पनि प्राप्त गरेका थिए ।

भिडियो हेर्नुहोस्