सोमबार, मंसिर २९, २०८२
कीर्तिपुरको मेयरमा कांग्रेसका डंगोल जित नजिक
कीर्तिपुर नगरपालिकाको मेयर पदका लागि भएको उपनिर्वाचनमा नेपाली कांग्रेस जिततर्फ अग्रसर भएको छ।
वडा नम्बर १ देखि १० सम्मको मतगणना हुँदा कांग्रेसका कृष्णमान डंगोल पहिलो स्थानमा छन्। अहिले १० नम्बरको मतगणना जारी छ।
पछिल्लो मतपरिणाम अनुसार उनले ५ हजार ६९ मत प्राप्त गरेका छन्। सुरूआतदेखि नै दोस्रो स्थानमा रहेका नेकपा एमालेका सुरेन्द्र मानन्धर तेस्रो स्थानमा झरेका छन्।
नेकपा माओवादी केन्द्रका शिवशरण महर्जनले उछिन्दै दोस्रो स्थानमा आएका हुन्। मानन्धरले ३९९७ पाउँदा महर्जनले ४११९ मत प्राप्त गरेका हुन्। माओवादीका महर्जन १२२ मतले अगाडि गएका हुन्।
स्वतन्त्र उम्मेदवार राजमान महर्जन चौथो स्थानमा छन्। उनले १८७६ मत पाएका छन्।
यस्तै स्वतन्त्र उम्मेदवारहरू कविकुमार महर्जनले १२८९ र दिनेशकुमार अधिकारीले १०४३ मत पाएका छन्।
प्रतिक्रिया दिनुहोस्
सम्पर्क
Shantinagar, Kathmandu, Nepal
फोन : +977-1-4790040/+977-1-4790242
इमेल : nepalsamayanews@gmail.com
फोन : +977-1-4790040/+977-1-4790242
इमेल : nepalsamayanews@gmail.com