रामेछापमा फोर्स गाडी दुर्घटना हुँदा ५ जनाको घटनास्थलमै मृत्यु

काठमाडौं- काठमाडौंबाट रामेछापको बेताली गइरहेको ना१ज ७१२३ नम्बरको फोर्स (जिप) गाडी दुर्घटना हुँदा पाँच जनाको मृत्यु भएको छ भने तीन जना घाइते भएका छन्।

रामेछापाको गोकुलगंगा गाउँपालिका वडा नम्बर ६ स्थित सिमलडाँडा भिरमा फोर्स गाडी दुर्घटना भएको हो। १४ जनाको सीट क्षमता भएको सो गाडीमा ८ जना सवार रहेको र ५ जनाको घटनास्थलमै मृत्यु भएको जिल्ला प्रहरी कार्यालय रामेछापले जनाएको छ।

प्रहरीका अनुसार अनुसार गाडी ३ सय मिटर तल खसेको छ। मृत्यु हुनेमा २ पुरुष, २ जना महिला र एक बच्चा रहेका छन्। 

घटनाको थप विवरण आउन बाँकी छ।