सल्यानमा बस दुर्घटना, पाँच घाइते

सुर्खेत-सल्यानको पश्चिम बनगाड कुपिण्डे नगरपालिका–५ नाथेखोला आइतबार बस दुर्घटना भएको छ । दुर्घटनामा परी पाँचजना यात्रु घाइते भएको इकाका प्रहरी कार्यालयका सल्लीबजारका इञ्जार्च सुशील रावलले जानकारी दिए । 

प्रहरीका अनुसार घाइते हुनेहरुमा रुकुम चौहरजारी नगरपालिका–१ का प्रेमकला न्यौपाने, रुकुम चौहरजारी–५ की प्रमिला पुन, सोही ठाउँकी मिना मल्ल, कुमाख गाउँपालिका –५ का दिलमाया रोकाय, वनगाड कुपिण्डे ५ कै रीता नकाल छन्। 

घाइतेलाई उपचारका लागि सल्लीबजारको जनबन्धु पोलिक्लिनिकमा उपचार भैरहेको छ । नेपालगञ्जदेखि रुकुम चौहरजारीतर्फ जाँदै गरेको ना ४ ख ७१४६ नम्बरको बस करिव ४० जना यात्रु थिए । अन्य यात्रु भने सकुशल छन् ।