एनएमबि बैंकद्वारा पलेशा र कविराज नगदबाट सम्मानित

काठमाडौं- एनएमबि बैंकले पेरिस प्याराओलम्पिक पदक विजेता पलेशा गोबर्धनलाई नगदसहित सम्मान गरेको छ।

बैंकले गोबर्धनलाई नगद पुरस्कार रु. ५ लाख १ हजार र उनका प्रशिक्षक कविराज नेगी लामालाई रु. १ लाख १ हजार रुपैयाँ प्रदान गरेको थियो।

पलेशा गोबर्धनको प्रतिनिधित्व गरी उनको अभिभावकले उक्त नगद ग्रहण गरेका थिए।  पलेशाको उपलब्धि र नेपालमा खेलकुदको भावनाको कदर गर्दै उक्त सम्मान गरिएकाे बैंकले जनाएकाे छ।

बैंकले हाल देशभरबाट २०१ शाखाहरु, १८७ एटिएमहरु र ११ एक्सटेन्सन काउन्टरहरु मार्फत बैंकिङ सेवा दिइरहेको छ।