सुनको भाउ १ लाख ६० हजार नाघ्यो

काठमाडौं- नेपाली बजारमा सुनको मूल्यले उच्च मूल्यको रेकर्ड बनाएको छ।

आज बुधबार छापावाल सुनको मूल्य अघिल्लो दिनको तुलनामा तोलामा ७०० रुपैयाँले बढेको छ। 

नेपाल सुनचाँदी व्यवसायी महासंघका अनुसार हिजो मंगलबार तोलामा १ लाख ५९ हजार ७०० रुपैयाँ रहेको सुन आज १ लाख ६० हजार ४०० रुपैयाँ पुगेको छ। यो मूल्य हालसम्मकै उच्च हो।

अन्तर्राष्ट्रिय बजारमा नै सुनको मूल्य उच्च दरले बढेपछि नेपालमा यसको प्रभाव परेको हो।