भोटेकोशी नदीमा गाडी खस्यो

सिन्धुपाल्चोकस्थित भोटेकोशी नदीमा गाडी खसेको छ। सिन्धुपाल्चोकको बाह्रबिसे नगरपालिका–६ मा नदीमा गाडी खसेको हो।

जिल्ला प्रहरी कार्यालय सिन्धुपाल्चोकका अनुसार नेपाल प्रहरी, नेपाली सेना र सशस्त्र प्रहरीको टोलीले क्रेनको सहायताले गाडी नदीबाट निकाल्ने प्रयास भइरहेको छ।

नदीमा कुन गाडी खसेको हो र कति यात्रु छन् भन्ने खुलेको छैन। नदीको बहाव पनि ठूलो भएकाले गाडी निकाल्न समस्या भइरहेको छ।