मंगलबार, असार १७, २०८२

असोज पहिलो सातादेखि कर्णालीका ९ जिल्लामा सुपथ मूल्य पसल

 |  शुक्रबार, भदौ २८, २०८१
nespernesper

नेपाल समय

नेपाल समय

शुक्रबार, भदौ २८, २०८१

vianetvianet

सुर्खेत- खाद्य व्यवस्था तथा व्यापार कम्पनीले कर्णालीमा असोजको पहिलो सातादेखि चाडपर्व लक्ष्यित सुपथ मूल्य पसल सञ्चालन गर्ने भएको छ। कम्पनीले सुर्खेतसहित ९ जिल्लामा एकसाथ पहिलो चरणमा दसैँलक्षित सहुलियत मूल्य पसल सञ्चालन गर्न लागेको हो।

उपभोक्ताले माग गरेमा दसैँदेखि तिहार हुँदै छठसम्म सुपथ मूल्य पसल सञ्चालन गर्ने खाद्यको लक्ष्य रहेको कम्पनीका कर्णाली प्रादेशिक प्रमुख माधव मिश्रले जानकारी दिए।

सुर्खेत, जाजरकोट, कालिकोट, रुकुमपश्चिम, डोल्पा, दैलेख, मुगु, जुम्ला र हुम्लामा एकसाथ चाडपर्वलक्षित सुपथ मूल्य पसल सञ्चालन गर्न लागेको उनले जानकारी दिए। 

कम्पनीले गत वर्ष पनि प्रदेशका सल्ल्यानबाहेक नौ जिल्लामा सुपथ मूल्य पसल सञ्चालन गरेको थियो। उपभोक्ताको उच्च  मागलाई ध्यान दिएर  यस वर्ष चार प्रकारका चामलसँगै तेल, घिउ र दाल बिक्री गरिनेछ।

सल्ल्यानमा कम्पनीको कार्यालय नभएका कारण त्यहाँ सुपथ मूल्य पसल सञ्चालन गर्न नसकिएको हो। अन्य जिल्लामा असोज ७ गतेदेखि पसल सञ्चालन हुने उनले बताए। रासस  

प्रकाशित: Sep 13, 2024| 12:41 शुक्रबार, भदौ २८, २०८१
प्रतिक्रिया दिनुहोस्