सामान्य विवादमा श्रीमतीको हत्या

पोखरामा श्रीमतीलाई खुकुरी प्रहार गरी हत्या गरेको आरोपमा एक जना पक्राउ परेका छन्।

कास्कीको अन्नपूर्ण गाउँपालिका-१ गौडाँडा घर भई पोखरा महानगरपालिका-८ बस्ने ४२ वर्षीय जहरसिंह कुँवरलाई प्रहरीले पक्राउ गरेको हो। जहरसिंहले श्रीमती ४० वर्षीया राधिका कुँवरलाई घाँटीमा र पेटमा धारिलो हतियार (खुकुरी) प्रहार गरेको कास्की प्रहरीले जनाएको छ।

सामान्य विवादमा खुकुरी प्रहारबाट घाइते भएकी राधिकाको उपचारको क्रममा पश्चिमाञ्चल क्षेत्रीय अस्पतालमा मृत्यु भएको हो।