सुनको मूल्यमा उच्च रेकर्ड

काठमाडौं-  स्थानीय बजारमा आज पनि सुनको मूल्य वृद्धि भएको छ। आज निर्धारण भएको मूल्य हालसम्मकै उच्च हो।

नेपाल सुनचाँदी व्यवसायी महासंघका अनुसार हिजो मंगलबारको तुलनामा आज छापावाला सुन तोलामा आठ सयले वृद्धि भई नयाँ कीर्तिमान कायम गरेको छ। मंगलबार प्रतितोला एक लाख ५२ हजार तीन सयमा कारोबार भएको छापावाल सुन आजका लागि एक लाख ५३ हजार एक सय मूल्य निर्धारण गरिएको छ।