सलमान बने इन्‍डियन आइडल

सोनी टीभीबाट प्रसारित भारतीय चर्चित गायन रियालिटी सो इन्डियन आइडल सिजन १० को उपाधि सलमान अलीले जितेका छन्।

प्रतियोगिताको फाइनल चरणमा फस्ट रनरअप अंकुश भारद्वाज र सेकेन्ड रनरअप निलान्जना रे घोषित भए। टप ५ मा सलमान, बिभोर प्रसर, निलान्जना, निथिन कुमार र अंकुश भारद्वाज पुगेका थिए। हरियाणाका सलमानले पुरस्कारस्वरूप २५ लाख भारतीय रुपैयाँ जितेको छन्। 

आइडलको निर्णायकमा अनु मलिक, विशाल दडलानी र नेहा कक्कड थिए। तर, अनु मी टु काण्डमा परेपछि उनलाई हटाएर गायक जावेद अलीलाई निर्णायक बनाइएको थियो। 

आइतबारको फिनालेमा फिल्म जिरोका शाहरुख खान, कैट्रिना कैफ र अनुष्का शर्मा अतिथिका रूपमा उपस्थित थिए।