चिसो अझै बढ्ने, काठमाडौंको तापक्रम शून्यमा झर्दै 

काठमडौं- मुलुकभर अझै चिसो बढ्ने मौसम पूर्वानुमान महाशाखाले जनाएको छ ।

केहि दिन भित्रै काठमाडौंको तापक्रम शून्यमा पुग्ने महाशखाले अनुमान गरेको छ भने देशभर अझै चिसो बढ्ने बताएको छ । अघिल्लो वर्ष पनि काठमाडौं उपत्यकाको तफक्रम शून्यमा झरेको थियो । 

महाशाखाका अनुसार बुधबार काठमाडौं उपत्यकाको न्यूनतम तापक्रम २ डिग्री सेल्सियस छ भने जुम्लामा माइनस ७ डिग्री रहेको छ । 

हुम्ला, मनाङ, मुस्ताङमा अझै चिसो रहेको बताइएको छ । मनाङको तापक्रम मानइनस १४ डिग्री सेल्सियससम्म पुगेको थियो । जहाँ खोला समेत जमेर बरफ बनेपछि स्थानीयलाई खानेपानीको समेत अभाव भएको थियो । 

राति आकाशमा बादल नभएकाले चिसोको क्रम बढेको मौसमविद्हरुको भनाइ छ । अझै करिब एकसाता भन्दा बढि यो क्रमले निरन्तरता पाउने जनाइएको छ  । मौसमविद् बरुण पौडेलका पहाडी जिल्लाहरुमा भोलि र पर्सी आंशिक बदली हुन सक्ने देखिएको छ ।

अहिले हिमपातको सम्भावना नरहेको पनि उनले बताएका छन् । तत्काल केहि दिन पानी नपर्ने र पानी परेपछि मात्रै हिमपात हुनसक्ने उनले जानकारी दिए ।