सामसङ ग्यालेक्सी जेड फोल्ड६ र फ्लिप६ को बुकिङ खुला

काठमाडौं- सामसङ नेपालले आफ्ना फोल्डेबल स्मार्टफोनको छैटौँ जेनेरेसन – ग्यालेक्सी जेड फोल्ड६ र ग्यालेक्सी जेड फ्लिप६को लागि रेकर्ड प्रि–अर्डर घोषणा गरेको छ।

नयाँ ग्यालेक्सी जेड फोल्ड६ र ग्यालेक्सी जेड फ्लिप६को लागि नेपालमा अघिल्लो जेनेरेसनको फोल्डेबलको तुलनामा झन्डै दोब्बर  प्रि–अर्डर भएको कम्पनीले जनाएको छ। प्रि–अर्डर १५ साउन २०८१मा समाप्त भएको थियो।

कम्पनीका अनुसार यी फोल्डेबलहरू अब बजारमा उपलब्ध छन्।

‘नेपालमा हाम्रा नयाँ फोल्डेबलहरू – ग्यालेक्सी जेड फोल्ड६ र ग्यालेक्सी जेड फ्लिप६ लाई उपभोक्ताको अत्यधिक प्रतिक्रियाको लागि हामी खुसी र आभारी छौँ। हाम्रा नयाँ छैटौँ जेनेरेसनको फोल्डेबल स्मार्टफोनहरूले ग्यालेक्सी एआइको अर्को अध्याय खोल्न, प्रयोगकर्ताको अनुभवलाई नयाँ उचाइमा पुर्याउन, र सञ्चार, उत्पादकता र रचनात्मकतामा नयाँ मोबाइल अनुभवहरूको दायरा दिन सक्षम भएको छ’, सामसङ नेपालका निर्देशक प्रणय रत्न स्थापितले भने।

कम्पनीका अनुसार नयाँ फोल्डेबलहरू ग्यालेक्सी जेड सिरिजको अहिलेसम्मकै सबैभन्दा स्लिम र हलुका स्मार्टफोनहरू हुन्, र सिधा किनाराहरूसँग पूर्ण रूपमा सममित डिजाइनका साथ आउँछन्। ग्यालेक्सी जेड सिरिजमा परिष्कृत आर्मर एल्युमिनियम र कोर्निङ गोरिल्ला ग्लास भिक्टस २ पनि छ, जसले यी स्मार्टफोनहरूलाई अहिलेसम्मकै सबैभन्दा टिकाउ ग्यालेक्सी जेड सिरिज बनाउँछ।

ग्यालेक्सी जेड फोल्ड६ र ग्यालेक्सी जेड फ्लिप६ ग्यालेक्सको लागि अहिलेसम्मकै सबैभन्दा उन्नत स्न्यापड्रागन मोबाइल प्रोसेसर, स्न्यापड्रागन ८ जेन ३ मोबाइल प्लेटफर्मले सुसज्जित छन्। जसले सीपियु, जीपियु र एनपियु कार्यसम्पादनको संयोजन गर्दछ। प्रोसेसर एआई प्रशोधनका लागि अप्टिमाइज गरिएको छ र सुधारिएको समग्र प्रदर्शनको साथमा परिष्कृत ग्राफिक्स प्रदान गर्ने कम्पनीको भनाई छ।

कम्पनीका अनुसार ग्यालेक्सी जेड फोल्ड६ले एआई–संचालित – नोट असिस्ट, कम्पोजर, स्केच टु इमेज, इन्टरप्रिटर, फोटो असिस्ट र इन्स्ट्यान्ट स्लो–मो जस्ता सुविधाहरू र उपकरणहरू प्रदान गरी ठुलो स्क्रिनलाई अधिकतम बनाउन र तपाईँको उत्पादकतालाई उल्लेखनीय रूपमा वृद्धि गर्दछ।

तपाईँको गेमिङ सेसनलाई लामो समय सम्म साथ दिन ग्यालेक्सी जेड फोल्ड६ अब १.६ गुना ठूलो भेपर चेम्बरको साथ आउँछ, रे ट्रेसिङले यसको ७.६ इन्चको स्क्रिनमा जीवन–जस्तै ग्राफिक्सलाई समर्थन गर्छ र  थप इमर्सिभ गेमिङ प्रदान गर्न यसको डिस्प्लेले २,६०० नित सम्मको ब्राइटनेस प्रदान गर्दछ।

ग्यालेक्सी जेड फिल्प६ले अब नयाँ अनुकूलन र रचनात्मकता सुविधाहरू प्रदान गर्दछ जसले गर्दा हरेक क्षणको अधिकतम फाइदा लिन समिनेछ। ३.४ इन्चको सुपर एमोलेड फ्लेक्सविन्डोको साथमा, आफ्नो फोन अन्फोल्ड नगरीकनै एआई–असिस्तेड फन्कसन्हरू प्रयोग गर्न सकिनेछ।

फ्लेक्सक्याम अब नयाँ अटो जुमको साथ आउँछ जसले सब्जेक्तलाई दितेक्त गर्छ र कुनै पनि आवश्यक एडजस्तमेन्ट गर्नु अघि जुम इन र आउट गरेर तपाईँको शटको लागि उत्कृष्ट फ्रेमिङ रचना गर्दिन्छ। नयाँ ५० एमपी वाइड र १२ एमपी अल्ट्रा–वाइड सेन्सरहरूले तस्बिरहरूमा स्पष्ट र क्रिस्प विवरणहरूको साथ अपग्रेड गरिएको क्यामेरा अनुभव प्रदान गर्दछ।

नयाँ ५० एमपी सेन्सरले नोइज–फ्री तस्बिरहरूको लागि २ह अप्टिकल जुम समर्थन गर्दछ, र १०ह जुमको साथ एडभन्सड शूटिंग अनुभवको लागि एआई जुम दिन्छ। ग्यालेक्सी जेड फ्लिप६ अब परिष्कृत ब्याट्री लाइफको साथ आउँछ र पहिलो पटक जेड फ्लिप सेग्मेन्टले भेपर चेम्बर प्राप्त गरेको छ।

सामसङ ग्यालेक्सीको डिफेन्स–ग्रेड, बहु–तह सुरक्षा प्लेटफर्म, सामसङ नोक्सले महत्त्वपूर्ण जानकारी सुरक्षित गर्न र एन्ड–टु–एन्ड हार्डवेयर, वास्तविक–समयमा खतरा पत्ता लगाउने र सहयोगी सुरक्षाको साथ कमजोरीहरू विरुद्ध सुरक्षा गर्न निर्मित, ग्यालेक्सी जेड फोल्ड६ र ग्यालेक्सी जेड फ्लिप६ लाई सुरक्षित राख्दछ।

मूल्य र उपलब्धता
ग्यालेक्सी जेड फोल्ड६ र ग्यालेक्सी जेड फ्लिप६ को अतिरिक्त, सामसङले एआई–इनफयुजड ग्यालेक्सी इकोसिस्टम प्रदक्तहरू – ग्यालेक्सी वाच ७ र ग्यालेक्सी बड्स३ पनि प्रस्तुत गरेको छ।

सबै प्रि–अर्डर अफरहरू अहिले उपलब्ध नभए पनि उपभोक्ताहरूले एनएलजी इन्स्योरेन्स कम्पनी लिमिटेड मार्फत १ वर्षको लागि १ पटकको ब्रेकेज बीमा प्राप्त गर्न सक्ने कम्पनीको भनाई छ।

आफ्नो स्मार्टफोन अपग्रेड गर्न चाहनेहरूका लागि सामसङले सबको फोन र अर्को स्टोर मार्फत एक्सचेन्ज बोनस पनि उपलब्ध गराएको छ। यसका साथै ग्राहकले स्टक रहुन्जेल प्रत्येक महिना १७ जीबी डाटा + ४९९ मिनेट कल + ४९९ एसएमएस ६ महिनासम्म निःशुल्क सेवा रहेको एनसेल सधैँ अन सिम प्राप्त गर्न सक्नेछन्।

थप रूपमा, हुलास फिनसर्भ हायर पर्चेज लिमिटेडद्वारा सञ्चालित सामसङ इन्स्टा फाइनान्स सेवाका साथ ग्राहकहरूले नयाँ ग्यालेक्सी जेड फोल्ड६ को लागि रु ६८५४/महिना र ग्यालेक्सी जेड फ्लिप६को लागि रु ४५२१/महिनाको ० प्रतिशत ब्याज दर भएको ईएमआईमा २४ महिनाको अवधिमा देश भरका कुनै पनि सामसङ अधिकृत स्टोरहरूबाट मात्र ३० प्रतिशत डाउन पेमेन्ट गरी प्राप्त गर्न सक्ने छन्।

सेवालाई अझ सरल बनाउँदै उपभोक्ताहरूले सहज रूपमा आफ्नो नागरिकता कागजातको साथ स्मार्टफोनहरू प्राप्त गर्न सक्छन्।