निःशुल्क हेल्थ चेकअप क्याम्प गर्दै सीएफमोटो

काठमाडौं- सीएफमोटो र जीहो ब्रान्डको नेपालका लागि आधिकारिक वितरक ऋषि ट्रेड सेन्टरले सीएफमोटो फ्रि हेल्थ चेकअप क्याम्प सुरू गरेको छ। कम्पनीले हरेक शुक्रबार र शनिबार काठमाडौं उपत्यकाका विभिन्न स्थानमा नि:शुल्क चेकअप क्याम्प सुरु गरेको हो।

यो सर्भिस क्याम्पमा कम्पनीबाट खटाइएका कर्मचारीहरुले मोटरसाइकलको हेल्थ चेकअप गर्नुका साथै आवश्यक परार्मश तथा फ्रि वास सुविधा उपलब्ध गराउने भएको हो । साउन ११ र १२ गते राधेराधे र चुच्चेपाटी, साउन १८ र १९ गते कोटेश्वर र महाराजगञ्ज तथा साउन २५ र २६ गते सातदोबाटो र गोंगबुस्थित बीजी मलको भाटभटेनी सुपर मार्केटमा स्टल सञ्चालन हुनेछ । यद्यपि फ्रि हेल्थ चेकअप क्याम्प भने महिना भर नै सबै सर्भिस सेन्टरमा सञ्चालन हुनेछ ।

काठमाडौं उपत्यका वाहिर समेत सीएफमोटो मनसुन सर्भिस क्याम्प हुँदैछ । यस अनुसार साउन १३ देखि १५ सम्म बुटवलको बागमती मोटरसाइकल सेन्टर, साउन २० देखि २२ सम्म विर्तामोडको चारपानेस्थित महालक्ष्मी इन्टरनेसनल र साउन २७ देखि २९ सम्म पोखराको नोरिन मोटरसाइकलमा सो क्याम्प हुनेछ ।

सर्भिस क्याम्पमा फ्रि वासका साथै स्पेयर पार्ट्समा १० प्रतिशत, इन्जिन आयलमा ५ प्रतिशत र लेबल चार्जमा ५० प्रतिशत छुट उपलब्ध हुने कम्पनीले जानकारी दिएको छ ।