कल्भर्टमा कार खस्दा चालकको मृत्यु

काठमाडौंको रामकोटमा कार दुर्घटना हुँदा एक जनाको मृत्यु भएको छ। 

आज शुक्रबार बिहान साढे पाँच बजेतिर नागार्जुन नगरपालिका-६ रामकोटस्थित छमछमे खोलाको कल्भर्टमा खस्दा कार चालकको मृत्यु भएको प्रहरी वृत्त स्वयम्भूले जनाएको छ।

मृत्यु हुनेमा नागार्जुन नगरपालिका-६ खरिबोटका अन्दाजी ४० वर्षका पूर्ण दर्नाल छन्। घटनाबारे थप विवरण प्राप्त हुन सकेको छैन।