जंगली च्याउ खाँदा एकको मृत्यु, चार जना बिरामी 

जंगली च्याउ खाँदा मकवानपुरको दुर्गम बस्तीका एक जनाको मृत्यु भएको छ।

जंगलबाट खोजेर ल्याएको च्याउ खाएका राक्सिराङ गाउँपालिका-७ दुगुवाङका ५५ वर्षीय दलबहादुर चेपाङको मृत्यु भएको हो।

उनको परिवारका चार जना बिरामी छन्। उनीहरुलाई उपचारका लागि भरतपुर लगिएको छ। बिरामी हुनेमा मृतककी पत्नी ५० वर्षकी जालीमाया चेपाङ, १४ वर्षिया छोरी रेन्जु चेपाङ, १२ वर्षिया छोरी सविना चेपाङ र १० वर्षिय छोरा शुसल चेपाङ रहेका छन्।