मंगलबार, पुस ८, २०८२
रसुवा भन्सारले उठायो ५८ करोड ५५ लाख जरिबाना
रसुवा- चीनबाट आयात गरिएका सामग्रीको परिमाण कम देखाएर राजस्व छल्न खोज्ने व्यापारीबाट यहाँस्थित भन्सार कार्यालयले ५८ करोड ५५ लाख रुपैयाँ जरिबाना असुल गरेको छ।
प्रमुख भन्सार अधिकृत रामप्रसाद पाठकका अनुसार चालु आर्थिक वर्षको ११ महिनामा उक्त रकम असुल गरिएको हो।
चालु आवको साउनदेखि जेठ मसान्तसम्म ५९ अर्ब ७८ करोड ७५ लाख बराबरका मालसामान चीनबाट आयात भएको तथा एक अर्ब ८४ करोड ७६ लाख रुपैयाँ बराबरका सामग्री निर्यात भएको छ।
राजस्व संकलनतर्फ भने वार्षिक लक्ष्यको तुलनामा १ सय ६५ प्रतिशतले वृद्वि भएको उनले बताए। जेठ मसान्तसम्ममा कार्यालयले १९ अर्ब १७ करोड २१ लाख रुपैयाँ असुली भएको छ।
पछिल्लो समय चीनबाट आयात हुने अधिकाश सामान रसुवागढी नाकाबाट आयात भइरहेको छ। त्यसमा पनि विद्युतीय सवारीको आयात भइरहेको छ।
प्रतिक्रिया दिनुहोस्
सम्पर्क
Shantinagar, Kathmandu, Nepal
फोन : +977-1-4790040/+977-1-4790242
इमेल : nepalsamayanews@gmail.com
फोन : +977-1-4790040/+977-1-4790242
इमेल : nepalsamayanews@gmail.com