ताप्लेजुङको फक्ताङलुङ गाउँपालिका-२ खेजिनिममा बिहीबार राति पहिरोमा पुरिएर एकै परिवारका चार जनाको मृत्यु भएको छ।
पहिरोमा पुरिएर खेजिनिमका ६९ वर्षीय रामबहादुर लिम्बू, उनकी श्रीमती जसमाया र छोरीहरू नौ वर्षीया गङ्गा र जमुनाको मृत्यु भएको हो।
यस्तै पहिरोमा पुरिएरै दुई जना घाइते भएका छन्। ४० वर्षीया युगेन लिम्बू र उनकी तीन वर्षीया छोरी घाइते भएका छन्।
बुधबार रातिदेखिको अविरल वर्षासँगै आएको बाढीले फक्ताङलुङ गाउँपालिका क्षेत्रमा ६ वटा पुल बगाएको छ। पुल बगेपछि यातायातका साधन सञ्चालनमा समस्या भएको छ।
प्रकाशित: Jun 14, 2024| 07:43 शुक्रबार, जेठ ३२, २०८१
