आगो ताप्दै आन्दोलन 

विराटनगर- विराटनगर महानगरका कर्मचारी नन्दीकेसर भन्डारी आज बिहान महानगर कार्यालय परिसरमा आगो तापिरहेका थिए। 

प्रदेश १ को एक्लो महानगरका सूचना अधिकृत रहेका  कर्मचारी भन्डारीसँगै थुप्रै  कर्मचारी आगो ताप्दै थिए। काम छाडेर आगो ताप्दै गरेका कर्मचारी आन्दोलनमा छन्। 

तराइमा हुस्सुले चिसो बढाए पनि स्थानीय सरकारका कर्मचारीको आन्दोलनको गर्मी भने बढेको छ। कर्मचारी समायोजन अध्यादेश २०७५ को दफा ७ को उपदफा ४ ले विभेद गरेको भन्दै कर्मचारी आन्दोलनमा छन्। 

आफू सगैका संघीय सरकारका कर्मचारीको बढुवा तर आफ्नो बारेमा कुनै सकारात्मक निर्णय नगरिएको भन्दै उनीहरु आन्दोलनमा छन्। आन्दोलनले स्थानीय सरकारका सबै कामहरु ठप्प छन्। दैनिक सिफारिस, घरनक्सा पास,चार किल्ला प्रमाणीकरण, पन्जिकरणका आदि कामहरु रोकिएका छन् । 

स्थानीय सरकारका कर्मचारीले निजामती सरह आफुलाइ ब्यवहार नगरेको सगै काठमाडौ महानगरमा सफाइमा काम गर्ने कर्मचारी विस्थापित हुने अवस्थामा पुगेको भन्दै रोक्न माग गरेका छन। निजि कम्पनीलाई फोहोर ब्यवस्थापनको जिम्मेवारी दिएकोले स्थानीय कर्मचारी विस्थापित भएको कर्मचारीहरुको संघसंगठनको आरोप छ।