आईपीएल अक्सन : सर्वाधिक मंहगोमा भारतिय खेलाडी, युवराज बिकेनन्

एजेन्सी- इन्डियन प्रिमियर लिग क्रिकेट (आईपीएल)को अक्सनमा २ जना भारतिय खेलाडी सर्वाधिक महंगो मूल्यमा बिक्री भएका छन् । राजस्थान रोयल्सले जयदेव उनादकटलाई सर्वाधिक रकम तिरेको छ भने किंग्स इलाभेन पञ्जाबले वरुण चक्रवर्तीलाई तिरेको । 

दुबै खेलाडी ८ करोड ४० लाख भारुमा किनिएका हुन् । उनादकटलाई सन् २०१७ को आईपीएलको अक्सनमा ११ करोड ५० लाखमा राजस्थानले नै किनेको थियो । तर, यस बर्ष रिलिज गर्दै पुन राजस्थानले नै किनेको हो । गएको संस्करणमा सर्वाधिक विकेट लिने खेलाडीको सूचीमा २९ औँ स्थानमा रहेका उनादकटले प्रतियोगिताभर ११ विकेट लिएका थिए ।  

अनक्याप्ड खेलाडी चक्रवर्तीको न्यूनतम मूल्य २० लाख राखिएको थियो । तर, उनीमाथि सबैले बोली लगाएका थिए । सुरुमा दिल्ली र चेन्नईले उनलाई किन्न खोजेका थिए । सपछि कोलकाता र पञ्जाबले पनि लिलामीको रेसलाई दौडाएका थिए ।

 जसमा पञ्जाबले ८ करोड ४० लाखमा किन्न सफल भयो । घरेलु प्रतियोगितामा तमिलनाडुका लागि धेरै पटक चामत्कारिक प्रदर्शन गरेका छन् । तमिलनाडु लिगपछि विजय हजारे ट्रफीमा उनले ९ खेलमा २२ विकेट लिएर सनसनी मच्चाएका थिए । 

आईपीएल २०१९ का लागि पछिल्लो सिजनमा पञ्जाबबाट खेलेका अलराउण्डर युवराज सिंहलाई खरिद गर्न कुनैपनि टिमले इच्छा देखाएका छैनन् । पछिल्ला संस्करणहरुमा खेल्दै आएका युवराज भने अनसोल्ड नै रहे । 

उनको न्यूनतम मूल्य १ करोड तोकिएको थियो । गएको सिजनमा युवराजमाथि २ करोड खर्चिएको पञ्जाबले यअसघि रिलिज गरेको थियो । पछिल्लो संस्करणमा उनले प्रभाव जमाउन नसक्दा प्रतियोगिताभर जम्मा ६५ रन बनाएका थिए । अक्सनमा नबिके पनि यदि टिमले लिन चाहेमा पेनाल्टी तिरेर फेरि लिन पाउने व्यवस्था रहेको छ । 

अक्सनका सर्वाधिक महंगो मुल्यमा विक्री भएका १० खेलाडी :

१. जयदेव उनादकट - ८ करोड ४० लाख, राजस्थान रोयल्स
२. बरुण चक्रवती - ८ करोड ४० लाख, किंग्स इलाभेन पञ्जाव
३. साम करन - ७ करोड २० लाख, किंग्स इलाभेन पञ्जाव

४. कोलिन इन्ग्राम - ६ करोड ४० लाख, दिल्ली क्यापिटल्स
५. कार्लोस ब्रेथवेट - ५ करोड, कोलकत्ता नाइट राइडर्स
६. अक्षर पटेल - ५ करोड, दिल्ली क्यापिटल्स

७. मोहित शर्मा - ५ करोड, चेन्नई सुपर किंग्स
८. शिवम दुबे - ५ करोड, रोयल च्यालेन्जर बेंगलोर
९. मोहम्मद सामी -४ करोड ८० लाख, किंग्स इलाभेन पञ्जाव
१०. निकोलस पुरन - ४ करोड २० लाख, किंग्स इलाभेन पञ्जाव