मंगलबार, असार ४, २०८१
  • गृहपृष्ठ
  • अर्थ
  • ढोरपाटनमा बढ्दै पर्यटक : दश महिनामै साढे चार करोड राजस्व संकलन

ढोरपाटनमा बढ्दै पर्यटक : दश महिनामै साढे चार करोड राजस्व संकलन

 |  शनिबार, जेठ १२, २०८१

नेपाल समय

नेपाल समय

शनिबार, जेठ १२, २०८१

बागलुङ- नेपालको एक मात्र सिकार आरक्ष ढोरपाटनमा पर्यटक आगमन बढ्न थालेसँगै राजस्व संकलनसमेत वृद्धि हुन थालेको छ। सिकार आरक्ष कार्यालयले चालु आर्थिक वर्षको १० महिनामा चार करोड ४८ लाख १५ हजार राजस्व संकलन गरेको छ।

triton college

खास गरी ढोरपाटनमा विदेशी पर्यटक सिकार खेल्न र आन्तरिक पर्यटक घुमफिर गर्न आउने गरेका छन्। विसं २०४४ मा स्थापना भएको सिकार आरक्षमा विदेशी पर्यटकका लागि उत्कृष्ट गन्तव्य मानिँदै आएको छ।

अघिल्लो आवमा तीन करोड ४८ लाख रूपैयाँमात्रै राजस्व संकलन भएकामा यो आवको अन्त्यमा दोबर संकलन गर्ने सिकार आरक्षले लक्ष्य राखेको छ। ढोरपाटनमा वर्षमा दुई याम सिकारका लागि खुला गरिन्छ।

पहिलो याम (असोज-मङ्सिर) र दोस्रो सिजन (फागुन-बैशाख) हो। यस वर्ष दुई याममा ३० वन्यजन्तुको सिकार भएको छ। चालु आवमा सिकार अनुज्ञापत्र शुल्कबाट मात्रै चार करोड २६ लाख रूपैयाँ राजस्व संकलन भएको ढोरपाटन सिकार आरक्षका प्रमुख संरक्षण अधिकृत वीरेन्द्र कँडेलले जानकारी दिए।

अनुज्ञापत्र शुल्कबोहक यस वर्ष पर्यटक प्रवेश शुल्कबाट ११ लाख ६५ हजार रूपैयाँ, काठ, नदीजन्य वस्तु र जरिवानाबाट नौ लाख चार हजार रूपैयाँ तथा हेलिकप्टर अवतरण गराएबापत ५७ हजार रूपैयाँ राजस्व संकलन भएको उनको भनाइ छ।

corrent noodles
Metro Mart

गत वर्षको तुलनामा यस वर्ष पर्यटकको सङ्ख्यासमेत बढेको छ। अघिल्लो वर्ष सात हजार छ सय ४५ पर्यटक आएकामा यस वर्ष नौ हजार चार सय ३६ पर्यटक आएको कँडेलले जानकारी दिए। वन्यजन्तुको सिकार भने गत वर्ष र यस वर्ष ३०/३० वटानै भएका उनको भनाइ छ।

वन्यजन्तु तथा राष्ट्रिय निकुञ्ज विभागले कोटाका आधारमा सिकारीको ठेक्का खुलाउने र ठेक्का पर्ने सिकार ढोरपाटन आउने गर्छन्। आव २०७८/७९ मा भने नौ हजार नौ सय १९ पर्यटक भित्रिएकामा एक करोड ७५ लाख ७७ हजार रूफैयाँमात्रै संकलन भएको थियो। आव २०७६/७७ मा ३७ लाख रूपैयाँ र आव २०७७/७८ मा २० लाख रूपैयाँमात्रै संकलन भएको थियो। पछिल्लो दुई वर्ष राजस्व संकलनको दर बढ्दै गएको संरक्षण अधिकृत कँडेल बताउँछन्।

कँडेलले भने, 'पछिल्लो दुई वर्षमा पर्यटक आगमन बढ्दै गएको छ, यहाँ सिकार खेल्नका लागि धेरैजसो विदेशी नागरिक नै आउने गर्छन्, यहाँ आउनेले मनलाग्दीरुपमा सिकार गर्न पाइँदैन, वन्यजन्तु तथा राष्ट्रिय निकुञ्ज विभागले मात्रा निर्धारण गरेर बोलपत्र आह्वान गरेको हुन्छ, सोहीअनुसार जसलाई ठेक्का पर्छ उही कम्पनीमार्फत सिकार आएर सिकार गर्ने हो।'

ढोरपाटनका होटल व्यवसायी गंगाबहादुर भण्डारीले विदेशी पर्यटक हेलिकप्टरमार्फत आए पनि आन्तरिक पर्यटक गाडीमै आउने बताए। सडकको दूरावस्थाका कारण पनि धेरै पर्यटक चाहेर पनि ढोरपाटन आउन नसकेको भन्दै राज्यले यसतर्फ ध्यान दिनुपर्नेमा जोड दिए। सडक राम्रो भए सिकार आरक्ष कार्यालयले धेरै राजस्व संकलन गर्नुका साथै यहाँका धेरै नागरिक व्यापार व्यवसायबाट आत्मनिर्भर बन्न सक्ने उनको भनाइ छ। रासस

प्रकाशित: May 25, 2024| 18:31 शनिबार, जेठ १२, २०८१
प्रतिक्रिया दिनुहोस्