आईपीएलमा पञ्जाबसँग चेन्नई स्तब्ध

इन्डियन प्रियिमर लिग (आईपीएल) को ४९ औँ खेलमा पञ्जाब किंग्सले चेन्नई सुपर किंग्सलाई उसैको घरेलु मैदानमा पराजित गर्न सफल भएको छ। बुधबार राति चेन्नई ७ विकेटले स्तब्ध बनेको हो।

जितका लागि १ सय ६३ रनको लक्ष्य पाएको पञ्जाबले १३ बल बाँकी छँदै ३ विकेटको क्षतिमा सफलतापूर्वक पूरा गर्यो। जोनी बेयर्स्टो र राइली रुसोले विस्फोटक ब्याटिङ गर्दै टोलीका लागि जितको आधार तय गरे।

यसअघि पहिले ब्याटिङ गरेको चेन्नईले निर्धारित २० ओभरमा ७ विकेटको क्षतिमा १ सय ६२ रन बनाएको थियो । चेन्नईका लागि कप्तान रुतुराज गायकवाडले ४८ बलमा ६२ रन बनाए । उनले ५ चौका र २ छक्का प्रहार गरे ।

१० खेलपछि १० अङ्क बटुल्दै चेन्नई अङ्क तालिकामा चौथो स्थानमा रहेको छ । पञ्जाब समान खेलबाट ८ अङ्कसहित सातौँ स्थानमा छ ।