शनिबार, पुस १२, २०८२
एसीसी प्रिमियर कप: साउदीले दियो नेपाललाई ७४ रनको लक्ष्य
काठमाडौं- एसिसी प्रिमियर कप ट्वान्टी- २० क्रिकेट प्रतियोगिता साउदी अरेबियाले नेपालसामू ७४ रनको लक्ष्य प्रस्तुत गरेको छ।
ओमानको अल अमरात क्रिकेट मैदानमा टस हारेर ब्याटिङको निम्तो पाएको साउदीले निर्धारित आठ ओभरमा आठ विकेट गुमाउँदै ७३ रनको योगफल तयार पार्यो। वर्षाका कारण टसमा ढिलाइ भएपछि खेललाई आठ ओभरमा झारिएको थियो।
साउदीका लागि अब्दुल वाहिदले ३७ रन बनाउनुबाहेक अन्य ब्याटरले दोहोरो अंकमा रन जोड्न सकेनन्। नेपालका लागि अविनाश बोहरा र करण केसीले समान दुई तथा प्रतिश जिसी र ललितनाराण राजवंशीले समान एक विकेट लिए।
अघिल्ला तीनै खेल जित्दै समूह ‘ए’ को विजेता बनिसकेको नेपाल अपराजित रहँदै सेमिफाइाल पुग्ने दाउमा छ। नेपालले यसअघि मलेसियालाई पाँच विकेट, कतारलाई ३२ र हङकङलाई आठ विकेटले पराजित गरेको थियो।
प्रतिक्रिया दिनुहोस्
सम्पर्क
Shantinagar, Kathmandu, Nepal
फोन : +977-1-4790040/+977-1-4790242
इमेल : nepalsamayanews@gmail.com
फोन : +977-1-4790040/+977-1-4790242
इमेल : nepalsamayanews@gmail.com