आइतबार, पुस १३, २०८२
सहकारी छानबिनका लागि संसदीय समितिको माग कांग्रेसले अझै चर्काउने
काठमाडौं- प्रमुख प्रतिपक्षी दल नेपाली कांग्रेसले सहकारीको रकम ठगी प्रकरणमा संसदीय छानबिन समिति गठनको मागलाई अझ सशक्त ढंगबाट उठाउने निर्णय गरेको छ।
सभापति शेरबहादुर देउवाको निवास बूढानीलकण्ठमा सोमबार बिहान बसेको पदाधिकारी बैठकले थप दबाबमूलक ढंगले विषय उठान गर्ने निर्णय गरेको कांग्रेसका प्रमुख सचेतक रमेश लेखकले जानकारी दिए। आफूहरूका मागमा सरकार जिम्मेवार नबनेको कांग्रेसको ठहर छ।
मंगलबार (भोलि) बिहान ८ बजे पार्टी संसदीय दलको बैठक बस्ने निर्णयसमेत गरिएको लेखकले जानकारी दिए। मंगलबारै बिहान ७:३० बजे संसदीय बोर्ड कार्यसमितिको बैठक बस्ने तय भएको छ।
कांग्रेसले सहकारी ठगी प्रकरणमा उपप्रधान एवं गृहमन्त्री रवि लामिछाने जोडिएको भन्दै संसदीय छानबिन समिति बनाउन माग गर्दै आएको छ। यही विषयलाई लिएर संसद् राम्रोसँग चल्न सकेको छैन।
प्रतिक्रिया दिनुहोस्
सम्पर्क
Shantinagar, Kathmandu, Nepal
फोन : +977-1-4790040/+977-1-4790242
इमेल : nepalsamayanews@gmail.com
फोन : +977-1-4790040/+977-1-4790242
इमेल : nepalsamayanews@gmail.com