गण्डकीको मुख्यमन्त्रीमा एमालेका खगराज अधिकारीको दाबी पेस

गण्डकी प्रदेशको मुख्यमन्त्रीमा नेकपा एमाले सांसदीय दलका नेता खगराज अधिकारीले दाबी पेस गरेका छन्।

मुख्यमन्त्रीको दाबी गर्दै अधिकारीले आज प्रदेश प्रमुख डिल्लीराज भट्टसमक्ष बहुमत सदस्यको हस्ताक्षर बुझाएका हुन्।

उनलाई राजीव गुरुङ (दीपक मनाङे) सहित एमाले र माओवादीले समर्थन गरेको छ। अधिकारीको समर्थनमा एमालेका २२ र माओवादीका ८ (सभामुखसहित) सांसद छन्।