बिहीबार, असार ६, २०८१

आईपीएलमा हुँदैछ यी कप्तानको परीक्षा

 |  शुक्रबार, चैत ९, २०८०

नेपाल समय

नेपाल समय

शुक्रबार, चैत ९, २०८०

काठमाडौं- भारतको चर्चित क्रिकेट लिग आईपीएल आज शुक्रबारबाट सुरु हुँदैछ। रंगीन लुगा लगाएका टोलीहरू यस पटक नयाँ संयोजनका साथ आउनेछन्।

triton college

विशेषगरी कप्तानीमा ६ टोलीले नयाँ नेतृत्व लिएर मैदान उत्रनेछन्। नयाँ कप्तानले आफ्नो टोलीलाई शीर्ष स्थानमा पुर्‍याउने र यस वर्षको चम्किलो ट्रफी जित्नेमा यी टोलीका फ्यानहरू पूर्ण आशावादी छन्। तर आईपीएल २०२४ को बाटो उनीहरुका लागि त्यति सजिलो हुनेवाला छैन।

हार्दिक पाण्ड्या
यस पटक सबैभन्दा नजिकबाट हेरिने कप्तान मुम्बई इन्डियन्सका हार्दिक पाण्ड्या हुन्। पाण्ड्याले पछिल्ला दुई सिजनमा गुजरातको सफल कप्तानी गरेका थिए। पहिलो प्रयासमा नै ट्रफी जितेका थिए भने दोस्रो प्रयासमा फाइनलमा चेन्नई सुपर किंग्ससँग पराजित भएका थिए।

पाण्ड्याले उत्कृष्ट कप्तानी मात्र गरेनन् ब्याटिङमा ठूलो इनिङ्स पनि खेले। यस्तो अवस्थामा हार्दिकले गुजरातको तेस्रो चुनौतीको नेतृत्व गर्ने सबैलाई लागेको थियो तर मुम्बई इन्डियन्सले हार्दिकलाई आफ्नो टोलीको नयाँ कप्तान बनाएर सबैलाई चकित पारेको छ।

आईपीएलका सबैभन्दा सफल कप्तान रोहित शर्माबाट सिंहासन खोसेपछि हिटम्यानका लाखौं फ्यानले नराम्रो महसुस गरे पनि हार्दिकले रोहित शर्माको हात सधैं काँधमा रहने र कप्तानका रूपमा जुनसुकै निर्णय गरे पनि रोहितले पूर्ण समर्थन गर्ने बताएका छन्।

Metro Mart

रोहितले मुम्बईलाई अर्को उपाधि दिलाउन कुनै कसर बाँकी नराख्ने अपेक्षा गरिएको थियो तर नयाँ कप्तान आएपछि टोलीले त्यसो गर्न नसकेमा नयाँ कप्तानतर्फ औंला उठ्नु स्वाभाविक हो। हार्दिक पाण्ड्या फेरि आफ्नो पुरानो टोलीमा सामेल भएका छन् तर यस पटक उनले आफ्नो आईपीएल करियरको सबैभन्दा कठिन चुनौतीको सामना गर्नेमा कुनै शंका छैन।

शुभमन गिल
गुजरातले पहिलो पटक ट्रफी जित्दा शुभमन गिलको ठूलो योगदान थियो। २०२२ को आईपीएल सिजनमा गिलले १६ इनिङ्समा ४८३ रन बनाएका थिए र रनका हिसाबले शीर्ष ५ ब्याट्सम्यानमा परेका थिए। त्यसपछि २०२३ मा गिलले धेरै रन बनाए र अधिकतम ८९० रन बनाएर गत सिजनको मोस्ट भ्यालुएबल प्लेयर बने। उनको प्रतिभा देखेर गिललाई यसपटक गुजरात टाइटन्सको कमाण्ड दिइएको छ।

यस पटक गिलको हातमा टोलीलाई उत्कृष्ट सुरुवात र कप्तानी गर्ने दोहोरो जिम्मेवारी हुनेछ। अहिलेसम्म ९१ आईपीएल खेलमा उनले १३४ को स्ट्राइक रेटमा २७९० रन बनाएका छन् जसमा ३ शतक र ८ अर्धशतक छन्। उनले ब्याट्सम्यानको रुपमा आफ्नो योग्यता प्रमाणित गरिसकेका छन् तर कप्तानको रुपमा कस्तो प्रदर्शन गर्ने त्यो भने हेर्न बाँकी छ।

मुम्बईजस्तै गुजरातको टोलीले पनि उपाधिभन्दा मुनिको कुनै पनि स्थान स्वीकार गर्दैन, यस्तो अवस्थामा गिलले कप्तानको दबाबलाई कसरी सम्हाल्छन्, त्यो हेर्नु रोचक हुनेछ।

ऋषभ पन्त
दिल्लीका विस्फोटक ब्याट्सम्यान तथा विकेटकिपर ऋषभ पन्त लामो बिदापछि फर्किएका छन्। खतरनाक कार दुर्घटनाका कारण पन्त खेलबाट टाढा थिए र उनले पछिल्लो आईपीएल पनि गुमाएका थिए।

पन्तले भर्खरै एक अन्तर्वार्तामा भनेका थिए कि त्यो घातक दुर्घटना पछि एक समय आफ्नो खुट्टा गुमाउनुपर्छ कि भनेर डर थियो। तर अदम्य साहस र कडा परिश्रमपछि पन्तले बिस्तारै क्रिकेट अभ्यास गर्न थाले र यो सिजन अगावै फिट हुने घोषणा पनि गरे। टोली व्यवस्थापनले पनि उनको साहसलाई प्रोत्साहन गर्दै टोलीको नयाँ नेतृत्व घोषणा गरेको छ।

गत सिजन दिल्लीका कप्तान डेभिड वार्नरले केही रन बनाएका थिए तर धेरै पूर्व खेलाडीले उनको सुस्त रन रेटको आलोचना गरेका थिए। कहिल्यै उपाधि जित्न नसकेको टोली दिल्लीले यसपटक पन्तको नेतृत्वमा आफ्नो टोलीले उपाधि कब्जा गर्नेमा पूरा आशा राखेको छ।

९८ खेलमा पन्तले करिब १४८ को स्ट्राइक रेटमा २८३८ रन बनाएका छन् जसमा एक शतक र १५ अर्धशतक उनको ब्याटबाट आएको छ। पन्तले यो संख्यामा ठूलो वृद्धि गर्ने र टोलीले १७ औं प्रयासमा च्याम्पियन बन्ने गौरव हासिल गर्न सक्ने दिल्लीको आशा छ।

श्रेयस अय्यर
विगत केही वर्षदेखि चोटसँग संघर्ष गरिरहेका अय्यरले पनि दिल्ली हुँदै कोलकाता पुगेका थिए। नाइट राइडर्सले पनि उनलाई कप्तानको दर्जा दिएर स्वागत गरेको छ। अय्यरले गत सिजन टोलीको नेतृत्व गरेका नितिश राणाको स्थान लिनेछन्।

गौतम गम्भीर पनि कोलकाता टोलीमा पुनरागमन गरेका छन् – गत सिजन उनी लखनऊका मेन्टर थिए र यस पटक उनले आफ्नो पुरानो टोली कोलकाताको मनोबल बढाउनेछन्। गम्भीरको नेतृत्वमा कोलकाताले दुई पटक आईपीएलको उपाधि जित्यो र अय्यरको साथमा यो संख्या बढाउन चाहन्छ।

चोटका कारण अय्यरले पछिल्लो सिजन खेल्न सकेनन् र यस पटक आईपीएलअघि गलत कारणले चर्चामा आएका थिए। विवादबाट टाढा नरहने अय्यरसँग आफ्नो छवि सुधार्ने ठूलो अवसर छ।

प्याट कमिन्स
यी सबै टोलीमध्ये सनराइजर्स हैदरावाद ट्रम्प कार्ड साबित हुन सक्छ। टोलीसँग राम्रो संयोजन छ र प्याट कमिन्सको रूपमा कुशल कप्तान छन्।

हैदरावादको टोलीले जहिले पनि फास्ट बलिङमा उत्कृष्ट विकल्प खोज्ने प्रयास गरेको छ। प्याट कमिन्समा विश्वकै उत्कृष्ट फास्ट बलर मात्रै होइन, ब्याटले गहिरो प्रहार गर्ने क्षमता पनि छ।

साथै, उनको कप्तानी पनि टोलीका लागि धेरै उपयोगी साबित हुन सक्छ। पछिल्लो पटक हैदरावादका कप्तान मार्करामले आफ्नो टोलीलाई उत्प्रेरित गर्न सकेनन् तर कमिन्सबाट राम्रो आशा गर्न सकिन्छ।

उनले गत वर्ष आफ्नो टोलीलाई एकदिवसीय विश्वकपको उपाधि दिलाए र उनको कप्तानीको पनि धेरै प्रशंसा भयो। उसले हैदरावादको टिममा पनि त्यही उपलब्धि दोहोर्‍याउन सक्छन् कि सक्दैनन् त्यो भने हेर्न बाँकी छ।

ऋतुराज गायकवाड
आईपीएलको आगामी सिजनमा महेन्द्र सिंह धोनी चेन्नई सुपर किंग्सको कप्तान हुने छैनन्। उनको स्थानमा ऋतुराज गायकवाडलाई सीएसकेको कप्तान बनाइएको छ।

चेन्नई सुपर किंग्सले जारी गरेको विज्ञप्तिमा भनिएको छ, “एमएस धोनीले आगामी टाटा आईपीएल २०२४ को लागि सीएसकेको कप्तानी ऋतुराज गायकवाडलाई सुम्पेका छन्। ऋतुराज २०१९ देखि सीएसकेको हिस्सा रहेका छन् र यस अवधिमा उनले ५२ आइपीएल खेल खेलेका छन्।”

ऋतुराज गायकवाडले अहिलेसम्म ६ वटा एकदिवसीय अन्तर्राष्ट्रिय खेल खेलेका छन् जसमा उनले ११५ रन बनाएका छन्। योसँगै उनले १९ टी–२० अन्तर्राष्ट्रिय खेलमा ५ सय रन जोडेका छन्।
ऋतुराज गायकवाडले सन् २०२० मा आईपीएलमा डेब्यु गरेका थिए। सन् २०२१ को आईपीएल सिजनमा ऋतुराज गायकवाड सर्वाधिक रन बनाउने खेलाडी बनेका थिए।

टोलीमा बारम्बार परिवर्तनले प्रदर्शनमा पनि असर पार्न सक्छ, ६ नयाँ कप्तान भएका टोलीका लागि यो थप चुनौती हुनेछ।
- बीबीसी हिन्दीबाट

प्रकाशित: Mar 22, 2024| 12:00 शुक्रबार, चैत ९, २०८०
प्रतिक्रिया दिनुहोस्