आज युभेन्टसले बलियो टोली मिलनसँग भिड्दै

एजेन्सी- इटालियन सिरी ‘ए’ लिग अन्र्तगत शुक्रबार राति युभेन्टसले इन्टर मिलानको सामना गर्दै छ । लिगको शिर्ष स्थानमा रहेका युभेन्टस र तेस्रो स्थानमा रहेको मिलान भिड्न लागेका हुन् । 

त्यस्तै पनि यो खेल निकै नै समर्थकका लागि पनि रोमाञ्चक हुने अनुमान गर्न सकिन्छ । क्रिस्टियानो रोनाल्डो इटाली पुगेयता लिगमा बलियो टोलीविरुद्ध पहिलोपटक खेल्न लागेकाले पनि यो खेल धेरै रोमाञ्चक हुने अनुमान लगाइएको छ । 

अझ भन्ने हो भने युभेन्टसले लिगमा अपराजित छ । मिलान युभेन्टसको अपराजित यात्रा रोक्दै आफ्नो अंक तालिकामा सुधार गर्ने दाउँमा रहने छ । 

तर, युभेन्टस लिगमा अपराजित रहेकाले आफ्नो घरमा घरेलु समर्थकबीच राम्रो नतिजा निकाल्ने दाँउमा हुने छ । यस खेलमा मुख्य गरि युभेन्टसका रोनाल्डो र मिलानका माउरो इकार्डी केन्द्रमा हुनेछन् । 

दुवै स्टार खेलाडी त्यसमा पनि दुवै पछिल्ला दिनमा लयमा रहेकाले आज उनीहरू आ-आफ्नो टोलीका लागि बलियो हतियार हुनेछन् । खेल युभेन्टसको घरेलु मैदान टुरिनामा नेपाली समय अनुसार राति १:१५ बजेबाट सुरु हुनेछ ।  

युभेन्टस १४ खेल खेलसक्दा १३ मा जित र एक मा बराबरी खेल्दै ४० अंककासाथ शिर्ष स्थानमा छ । यता, मिलान भने समान १४ खेल सकिँदा १० खेल मात्रै जितेको छ । २ खेलमा हार र २ खेल बराबरी खेल्दै २९ जोडेर तालिकाको तेस्रो स्थानमा छ ।