‘लिटिल मेस्सी’को परिवारलाई तालिवानको चेतावनी

बिबिसी- अर्जेन्टिना तथा बार्सिलोनाका कप्तान लियोनल मेस्सीको नाम लेखिएको जर्सी लगाएर चर्चित बनेका लिटिल मेस्सीलाई तालिबानले चेतावनी दिएका छन् । तालिवानको चेतावनीका करण लिटिल मेस्सीले आफ्नो परिवारसँगै फेरि देश छोड्नु परेको छ ।

यसअघि पनि सन् २०१६ मा उनीहरुलाई तालिवानले धम्किदिएका कारण पाकिस्तानमा केहि समयका लागि शरणार्थीका रुपमा बसेका थिए । तर आर्थिक अभाव भएपछि उनीहरु स्वदेश फर्किएका थिए ।

आफ्नो ड्रिम हिरोको नामको प्लास्टिकको जर्सि लगाएर चर्चा कमाएका मुर्तजा ५ बर्षको हुँदा अन्तर्राष्ट्रिय स्तरमा नै भाइरल भए । सन् २०१६ मा मेस्सी लेखिएको प्लास्टिकको जर्सीमा फुटबल खेल्दै गरेको तस्वीर सार्वजनिक भएपछि मुर्ताजा चर्चामा आएका थिए । 

सामाजिक संजालमा भाइरल भएपछि मेस्सीले मुर्ताजालाई कतारको दोहामा भेटेका थिए । यस्तै मेस्सीले उनलाई आफ्नो हस्ताक्षर भएको अर्जेन्टिनाको जर्सी उपहार पठाएका थिए ।


सात बर्षीय लिलिट मेस्सी अर्थात अफगानिस्तानी मुर्ताजा महमदीको परिवार अफगानिस्तानको दक्षिण पूर्वी गाजिया प्रान्तमा बस्दै आएका थिए । तर, पटक पटक तालिवानको धम्की आएपछि उनको परिवार राजधानी काबुलबाट पनि सरेको अन्तर्राष्ट्रिय सञ्चारमाध्यम बीबीसीले जनाएको छ । 

‘तिमीहरु धनी भएका छौं । मेस्सीले तिमीहरुलाई पैसा दिने गर्छ’, तालिवानले धम्कीमा उद्दृत गर्दै मुर्ताजाको आमा शाफिकले भने, ‘मेस्सीबाट आएको पैसा हामीलाई देऊ वा हामी तिम्रो छोरा लैजान्छौ ।’