नेप्से २५.६३ अंकले घट्यो

काठमाडौं- साताको पहिलो दिन नै सेयर बजार परिसूचक नेप्से ओरालो लागेको छ। अघिल्लो साता बुधबार र बिहीबार लगातार घटेको नेप्से आइतबार पनि २५.६३ अंकले घटेर दुई हजार १३०.१८ विन्दुमा पुगेको छ।

आज ३०८ कम्पनीको दुई करोड २८ लाख २० हजार २७९ कित्ता सेयर ७ अर्ब ६७ अर्ब ७७ लाख ४० हजार रुपैयाँ कारोबार भएको छ। हाइड्रोको उपसमूह थोरै (०.२० प्रतिशत) र अन्य उपसमूहको सेयर (१.३८ प्रतिशत)ले बढेको छ। 

आँखुखोला जलविद्युत्, समाज लघुवित्तीय संस्था, हिमालयन लघुवित्तीय संस्था, मध्य सोलु हाइड्रोपावरले ९ प्रतिशत भन्दा धेरैले वृद्धि भएको छ। समग्रमा हाइड्रोपावर बढे पनि सीएचडीसी हाइड्रोपावर, मोलुङ हाइड्रोपावर, बाराही हाइड्रोपावरको सेयर भने क्रमशः ८, ७ र ६ प्रतिशतले ओरालो लागेका छन्।