‘ए’ डिभिजन लिग : आर्मीलाई दोस्रो स्थानमा उक्लिने मौका

काठमाडौं- पल्सर सहिद स्मारक ‘ए’ डिभिजन लिग अन्तर्गत आज (बिहिबार) दुई खेल हुदैछ । पहिलो खेलमा फ्रेन्ड्स क्लबले त्रिभुवन आर्मी क्लबको सामना गर्दै छ भने दोस्रो खेलमा अंकतालिकाको पुछारमा रहेका ब्रिगेड ब्वाईज र मछिन्द्र क्लबले भिड्दै छन् । 

सातदोबाटोस्थित एन्फा कम्प्लेक्समा बिहान ११ बजेबाट पहिलो खेल सुरु हुने छ भने दोस्रो खेल २:३० बाट एन्फा कम्प्लेक्समा न सुरु हुनेछ । विभागीय टिम आर्मीलाई फ्रेन्ड्सविरुद्व जित निकाल्दै तालिकाको दोस्रो स्थानमा उक्लिने मौका छ । 

खराब लयबाट गुज्रिरहको फ्रेन्ड्स माथि जित हात पार्न भने लिगको उपाधि दाबेदार मानिएको आर्मीलाई केहि समस्य हुने छ । किनकी कप्तान तथा स्ट्राईकर भरत खवासले आजको खेल गुमाउनेछन् । यसअघि पाएको दोहोरो पहेलो कार्डका कारण भरतले यो खेल गुमाउने भएका हुन् । 

त्यस्तै अर्का फरवार्ड नवयुग श्रेष्ठ चोटका कारण मैदान बाहिर रहदै आएका छन् । सोही कारण फ्रेन्ड्सविरुद्व उत्रदै गर्दा आर्मीलाई अग्रपङ्तीमा समस्या हुन सक्नेछ । आर्मी ५ खेलबाट १३ अंक सहित तालिकाको चौथो स्थानमा छ । फ्रेन्ड्स ४ अंक सहित तालिकाको १० औ स्थानमा छ । 

आजै हुने दोस्रो खेलमा ब्रिगेड ब्वाईजले मछिन्द्रसँग प्रतिस्पर्धा गर्नेछ । पुछारका दुई टोली ब्रिगेड र मछिन्द्रलाई छैटौ चरणको खेलमा जित निकाल्दै अंक तालिका सुधार गर्ने अवसर छ ।

विभागीय टिम एपीएफलाई पराजित गरेको ब्रिगेडले सोही स्तरको नतिजालाई दोहर्याउन सकेको छैन । मछिन्द्रले भने प्रतियोगितामा एउटै जित समेत निकाल्न सकेको छैन । ब्रिगेड ३ अंक जोडेर १२ औ स्थानमा रहदाँ मछिन्द्र २ अंक जोडेर तालिकाको १३ औ स्थानमा छ ।