काठमाडौं- सरकारले राजनीतिक दलसम्बन्धी ऐनलाई संशोधन गर्न बनेको विधेयक संघीय संसद्मा पेश गर्ने निर्णय गरेको छ।
सिंहदरबारमा बुधबार बसेको मन्त्रिपरिषद् बैठकले राजनीतिक दलसम्बन्धी ऐन २०७३ लाई संशोधन गर्न बनेको विधेयक संसद्मा पेश गर्ने निर्णय गरेको हो।
बैठकले नागरिक लगानी कोषको कार्यकारी निर्देशक पदमा पर्वतकुमार कार्कीलाई नियुक्त गरेको छ। त्यस्तै गंगालाल राष्ट्रिय हृदय रोग केन्द्रको कार्यकारी निर्देशकमा डा. रवि मल्ललाई नियुक्त गरिएको छ।
प्रकाशित: Jan 17, 2024| 17:07 बुधबार, माघ ३, २०८०
