पिएसजीको अपराजित यात्रामा कभानीको गोल

एजेन्सी- पेरिस सेन्ट जर्मेन (पिएसजी) फ्रेन्च लिग वान फुटबलमा शिर्षस्थान कायमै राखेको छ । बुधबार राति भएको खेलमा स्टार्सवर्गसँग १-१ गोलको बराबरी खेल्दै पिएसजीले शिर्षस्थान कायमै राखेको छ ।  

स्टार्सवर्गको मैदानमा भएको खेलमा पहिलो हाफमा पीएसजी १-० ले पछि परेको थियो । खेल सकिन चार मिनेट बाँकी रहदा स्टार्सवर्गले पिएसनीविरुद्ध अग्रता लिएको थियो । स्टार्सवर्ग लाई अग्रता दिलायन केन्नी लालाले गोल गरेका थिए । 

उनले पेनाल्टीमार्फत गोल गर्दै घरेलु टोलीलाई अग्रता दिलाएका हुन् ।  पहिलो हाफमा १-० ले पछि परेको पीएसजीले गोल फर्काउन निकै समय कुर्नु पर्यो । पिएसजीको बराबरी गोलका लागि इडिन्सन काभानीले गोल गरे । 

खेलको ७१औं मिनेटमा पेनाल्टीमा लालाले केलियन एमबाप्पेलाई पेनाल्टी क्षेत्रभित्र फालउल गरेपछि पीएसजीले पेनाल्टीको मौका पाएको थियो । जुन मैका काभानीले खेर फालेनन् । 

बराबरीपछि लिग वानमा अपराजित रहेको पीएसजीको १६ खेलबाट ४४ अंक पुगेको छ । जुन दोस्रो स्थानको लिलेभन्दा १४ अंकले बढी हो । स्टार्सवर्ग २२ अंकसहित नवौं स्थानमा छ ।