आयोजकलाई हराउँदै ड्याफोडिललाई उपाधी

काठमाडौं- आयोजक बौद्ध इन्टरनेसनल स्कुललाई पराजित गर्दै ड्याफोडिल ‘ए’ ले तेश्रो बीआईबी अन्तरविद्यालय बास्केटबल प्रतियोगिताको ब्वाइजतर्फ बुधबार उपाधी जितेको छ । 

ड्याफोडिलले आयोजकलाई ४६-२५ अंकले पराजित गरेको हो । ड्याफोडिलका लागि आङ्ग फुर्वा शेर्पाले सवार्नधिक  १९ स्कोर जोडे । त्यस्तै गल्र्स तर्फ एचएचसीए बिजयी भयो । 

एचएचसीएले स्किब्सलाई ४६-२६ अंकले पराजित गर्दै ट्रफी उचालेको हो । एचएचसीएको लागि अनिता सुनुवारले सर्वाधिक २५ अंक जोडिन् । प्रतियोगिताको मोष्ट भ्यालुएबल प्लेयरमा ब्वाईज तर्फ ड्याफोडिलका आङ्ग फुर्वा शेर्पा र गल्र्स तर्फ एचएचसीएकी श्रीजा भुजेल रहिन् । 

बिजयी टिम तथा खेलाडीलाई साउथ साईडर्स बास्केटबलका संस्थापक रिषी रोवर्टचन र आयोजक स्कुलका प्रिन्सिपल हरि लामाले पुरस्कार वितरण गरेका थिए ।