कोपा डेल रे : बार्सिलोना, अलाभेस, रियल र मड्रिड भिड्दै

एजेन्सी- स्पेनिस कोपा डेल रे फुटबल कपमा बुधबार राति ७ खेल हुँदैछन् । बुधबार हुने ७ खेलमा केही ठूला टोलीले प्रतिस्पर्धा गर्दै छन् । 

कोपा डेल रेमा राति १२:१५ बजे दुई खेल हुँदै छन् । पहिलो खेलमा जिरोनाले अलाभेसको सामना गर्दै छ ।  यसअघिको खेलमा अलाभेसको घरेलु मैदानमा दुबै टोलीले २-२ को बराबरी खेलेका थिए । 

यसै समयमा हुने अर्को खेलमा एथ्लेटिको मड्रिड र स्यान्टी एन्ड्रेउ भिड्दै छन् । यसअघि स्यान्टीको घरमा भएको खेलमा एथ्लेटिको १-० ले विजयी भएको थियो ।

त्यस्तै बुधबार रातिनै १:१५ बाट तीन खेल हुँदै छन् । पहिलो खेलमा सेभिल्ला र भिल्लानोभेनिस खेल्दै छन् । यसअघि भएको खेलमा दुबै टोली गोलरहित बराबरीमा टुंगिएका थिए । 

अर्को खेलमा रियल सोसिडाड र सेल्टा भिगो खेल्दैछन् । यसअघि सेल्टाको घरमा भएको खेल १-१ को बराबरीमा टुंगिएको छ । त्यस्तै १:१५ मा नै हुने अर्को खेलमा भिल्लारियल र अल्मेरिया भिड्दैछन् । यसअघि अल्मेरियाको घरमा भएको यि दुई बिचको खेल ३-३ को बराबरीमा सकिएको थियो । 

त्यस्तै राति २:१५ बजे दुई खेल हुँदै छन् । पहिलो खेलमा भल्लाडोलिड र आरसिडी माल्लोर्सा भिड्दै छन् । यसअघि आरसिडीको घरमा भएको खेल भाल्लाडोलिडले १-२ ले जितेको थियो । 

अर्को खेलमा बार्सिलोना र कल्चरल लियोनेसा खेल्दैछन् । यसअघि लियोनेसाको घरमा भएको खेल बार्सिलोनाले १-० ले जितेको थियो । आज हुने खेल सबै टोलीका लागि निर्णायक हुनेछन् । 

यसै खेलबाट अन्तिम १६ मा पुग्ने टोलीको टुंगो लाग्नेछ । आजको खेलमा स्पष्ट गोलअन्तरमा जित निकाल्ने (समग्रमा) टोली अन्तिम १६ मा पुग्नेछ । अंक बराबरी भए अवे गोलका आधारमा अघि रहने टोलीले अन्तिम १६ मा स्थान बनाउने छ ।