काठमाडौं- झण्डै तीन वर्षदेखि घाटामा रहेको नेपाल आयल निगम ऋणमुक्त बनेको छ।
सरकारबाट लिएको ७ अर्ब ऋणमध्ये अन्तिम किस्ता ७० करोड अर्थ मन्त्रालय अन्तर्गतको सार्वजनिक ऋण व्यवस्थापन कार्यालयमा भुक्तानी गरेसँगै निगम मंगलबारदेखि ऋणमुक्त बनेको हो।
निगम २०७७ पुसदेखि नोक्सानीमा जान थालेको थियो। इन्धनको मूल्य बढ्दै जाँदा एकै वर्षमा निगमले करिब ५० अर्ब घाटा बेहोरेको थियो। निगमले वाणिज्य बैंकसँग ३ अर्ब र सरकारसँग ७ अर्ब ऋण लिएकोमा मंगलबार ब्याजसहित सबै चुक्ता गरेको छ।
निगम ऋणमुक्त भएसँगै इन्धनको मूल्य घट्ने अपेक्षा गरिएको छ।