भारतको खुद्रा मुद्रास्फीति ४.८७ प्रतिशतमा घट्यो

नयाँ दिल्ली- भारतको खुद्रा मुद्रास्फीति अक्टोबरमा ४.८७ प्रतिशतमा झरेको छ। संघीय तथ्यांक तथा कार्यक्रम कार्यान्वयन मन्त्रालय (एमओएसपीआई)ले सार्वजनिक गरेको तथ्यांकअनुसार अक्टोबरमा उपभोक्ता मूल्य सूचकांक (सीपीआई) मा आधारित मुद्रास्फीति ४ दशमलव ८७ प्रतिशत छ।

सेप्टेम्बरमा सीपीआई ५.०२ प्रतिशत थियो। खाद्य मुद्रास्फीति पनि सेप्टेम्बरको ६.६२ प्रतिशतबाट अक्टोबरमा ६.६१ प्रतिशतमा झरेको तथ्यांकले देखाएको छ। अधिकारीहरूकाअनुसार सबै राज्यहरू समेट्ने १ हजार ११४ सहरी बजारहरू र १ हजार १८१ गाउँहरूबाट मूल्य तथ्यांक संकलन गरिएको छ। 

अक्टोबर २०२३ मा एनएसओ (राष्ट्रिय तथ्यांक कार्यालय)ले ९९.८ प्रतिशत गाउँ र ९८.६ प्रतिशत सहरी बजारबाट मूल्य संकलन गरेको छ भने बजारअनुसार मूल्यहरू ग्रामीण क्षेत्रमा ८९.० प्रतिशत र सहरीका लागि ९२.० प्रतिशत रहेको मन्त्रालयले जनाएको छ। अक्टोबरमा खुद्रा मुद्रास्फीतिमा भएको सहजता मुख्यतया खाद्यान्नको मूल्यमा आएको कमी, तरकारीको मूल्य र एलपीजी मूल्य कटौतीको प्रभावलाई दिइएको छ।