जुवाखालबाट पक्राउ परे सेनाका पूर्वउपरथीसहित ८ जना

काठमाडौं- ललितपुरमा जुवा खेलिरहेका नेपाली सेनाका पूर्वउपरथी तथा व्यापारीसहित आठजना पक्राउ परेका छन्।

हात्तीवनस्थित क्लासिक टावरको ए ब्लकको छैटौँ तलामा जुवा खेलिरहेका उनीहरूलाई मंगलबार पक्राउ गरिएको हो।

ललितपुर प्रहरीका अनुसार उनीहरूको साथबाट १७ लाख रुपैयाँ बरामद गरिएको छ। प्रहरीले पक्राउ परेकाहरूको नाम भने सार्वजनिक गरेको छैन।