हमासद्वारा बन्धकमा रहेकी नोआको मृत्यु भएको दाबी 

काठमाडौं - इजरायल डिफेन्स फोर्स (आईडीएफ) का मुख्य प्रवक्ताले इजरायली सेना १९ वर्षीया महिला नोआ मार्सियानोको परिवारको साथमा रहेको बताएको छ। १९ वर्षीया नोआलाई हमासले अक्टोबर ७ मा अपहरण गरेको थियो।

सामाजिक सञ्जालमा एउटा भिडियो भाइरल भइरहेको छ, जसमा मार्सियानोले आफूलाई चार दिनदेखि हिरासतमा राखेको बताएकी छिन् । यो रेकर्डिङ अक्टोबर १० वा ११ को भएको बताइएको छ। 

उनलाई दबाबमा पारेर उक्त भिडियो रेकर्ड गरिएको इजरायली सेनाले जनाएको छ। हमासको सैन्य शाखा इज्जेदिन अल-कसाम ब्रिगेडले नोभेम्बर ९ मा इजरायली हवाई हमलामा मार्सियानो मारिएको बताएको छ।

उनको मृत्यु भएको इजरायली सेनाबाट कुनै पुष्टि भएको छैन। आईडीएफका प्रमुख प्रवक्ता ड्यानियल हगारीले मार्सियानो परिवारलाई सहयोग गरिरहेको बताएका छन्।

इजरायली सैन्य प्रवक्ताले थपे, 'हमासले मनोवैज्ञानिक आतंकको प्रयोग गर्न जारी राखेको छ र चोरी भिडियो र फोटोहरू मार्फत अमानवीय व्यवहार गरिरहेको छ, जुन विगतमा गरेको थियो।'