कांग्रेसका २२ जना आमन्त्रित केन्द्रीय सदस्यद्वारा सामूहिक राजीनामा

नेपाली कांग्रेसका २२ जना आमन्त्रित केन्द्रीय सदस्यले सामूहिक राजीनामा दिएका छन्।

नेपाल समय | शुक्रबार, साउन २९, २०७८

नेपाल समय

शुक्रबार, साउन २९, २०७८

कांग्रेसका २२ जना आमन्त्रित केन्द्रीय सदस्यद्वारा सामूहिक राजीनामा

काठमाडौं– नेपाली कांग्रेसका २२ जना आमन्त्रित केन्द्रीय सदस्यले सामूहिक राजीनामा दिएका छन्। पार्टी सभापति शेरबहादुर देउवाको निवास बूढानीलकण्ठमा जारी केन्द्रीय समिति बैठकमा उनीहरुले राजीनामा दिएका हुन्। कृष्णकिशोर घिमिरेले सभापति देउवालाई संयुक्त राजीनामापत्र बुझाएका थिए।

पार्टीमा पदाधिकारी र पूर्वपदाधिकारी वडाबाट नै चुनाव लडेर आउनुपर्ने भन्दै राजीनामा दिएको आमन्त्रित केन्द्रीय सदस्य किरण पौडेलले जानकारी दिए। साथै क्षेत्रीय सभापति र जिल्ला सभापतिमा एक व्यक्ति एक पटक मात्र लड्न पाउनुपर्ने माग उनीहरुको छ।

पार्टीले आफूहरुलाई अपहेलना गरेको भन्दै उनीहरुले आमन्त्रित केन्द्रीय सदस्यको व्यवस्था विधानबाट नै हटाउन भनेका थिए। ‘अपहेलना सहेर बस्न सकिँदैन। न हम गिरे, न हमारे पार्टीका मिनार गिरे। हामीलाई यतिका दिन माया गरिदनुभएकोमा धन्यवाद,’ एक सदस्यले भने।

प्रकाशित: Aug 13, 2021| 18:20 शुक्रबार, साउन २९, २०७८