प्रेमीको हत्या गरी बिर्‍यानी!

दुई युवायुवतीबीचको प्रेम धोकामा परिवर्तन भयो भने के होला? मोरक्कोमा यो धोका यति क्रुर भयो कि हामीले कल्पना गर्दा पनि आङ नै सिरिङ्ग हुन्छ । 

मोरक्कोका एक महिलाले आफ्नो प्रेमीको हत्या गरी लासलाई टुक्रा पारी मारेर बिर्‍यानी बनाएकी छिन् । प्रेमीको हत्या गर्न उनले आफ्ना साथीहरुको पनि सहयोग लिएकी ।

मोरक्को प्रहरीका अनुसार तीन महिना अगाडी उनले प्रेमीको हत्या गरेकी हुन् । तर त्यस समयमा यो विषय छानविनमा आएको थिएन् । तीन महिनापछि महिलाले प्रयोग गरेको ब्लेन्डरमा भेटिएको मानव दाँतको कारण अपराध पत्ता लागेको छ ।

इमिरेटको ‘द नेशनल रिपोर्टस’अनुसार ३० वर्षे महिलाले रिसमा आफूले प्रेमीको हत्या गरेको स्वीकार गरेकी छिन् । 

सात वर्षसम्म लिभिङ रिलेसनमा बसेकी उनलाई अचानक प्रेमीले आफूसँग विवाह नगर्ने बताएपछि आवेगमा आएकी थिइन् । उनी बाहेक अरुसँग विवाह गर्ने मनसाय प्रेमीमा भएको कारण उनले हत्या गरेको उल्लेख गरेकी छन् ।

हत्या कसरी गरियो भन्ने विषय अझै पत्ता लागेको छैन् । ‘द नेशनल रिपोर्टस’ पत्रिकाका अनुसार महिलाले आफ्नो प्रेमीको लास टुक्रा टुक्रा पारेर चामलसँगै पकाई बिर्‍यानी तयार गरेकी हुन् । र सो खाना नजिकै काम गर्ने पाकिस्तानी कामदारलाई खुवाएकी थिइन् ।

मृतकको भाइ दाजुको खोजिमा लाग्दा उनले ब्लेन्डडरमा मानव दाँत भेट्टाएका हुन् । डिएनए जाँचपछि सो पुरुष महिलाको प्रेमी भन्ने पत्ता लागेको हो ।