डिपिएलको निर्देशकमा बिनोद नियुक्त 

धनगढी- तेस्रो रुस्लान धनगढी प्रिमियर लिग (डिपिएल) टी-२० क्रिकेट प्रतियमोगिताको निर्देशकमा निबर्तमान राष्ट्रिय क्रिकेट टोलीका कप्तान तथा बर्तमान यू-१९ राष्ट्रिय क्रिकेट टोलीका प्रशिक्षक विनोद दासलाई नियुक्त गरेको छ । 

बिनोदलाई प्रतियोगिताको निर्देशकमा नियुक्त गरेको धनगढी क्रिकेट एकेडेमीमा अध्यक्ष सुवास शाहिले विज्ञाप्ति मार्फत जानकारी दिए ।
 
नेपाली क्रिकेटमा हासिल गरेको अनुभवले डिपिएलको निर्देशनको रुपमा रहँदा प्रतियोगिताले थप उचाई लिने विश्वास लिएको एकेडेमीका अध्यक्ष शाहीले विज्ञप्तिमा जनाएका छन् । 

प्रतियोगिता आगामी माघ १९ गते देखि फाल्गुन ४ गतेसम्म धनगढीको अन्तराष्ट्रिय क्रिकेट मैदान फाप्लामा आयोजना हुने छ । अनुमानित कुल लागत ५ करोड रहेको यस प्रतियोगिता धनगढीस्थित फाप्ला अन्तर्राष्ट्रिय क्रिकेट रंगशालामा हुनेछ । 

यस अघि प्रतियोगिता हुदैँ आएको संघीय इकाई प्रहरी कार्यालयको मैदानलाई वैकल्पिक मैदानका रुपमा तयार गरिनेछ । यसअघि देशकै सर्वाधिक ठुलो धनराशीको क्रिकेट प्रतियोगिताको रुपमा २०७३ र २०७४ सालमा डीपीएलको पहिलो र दोस्रो संस्करण आयोजना गरिएको थियो । दुबै संस्करणको विजेता टिम चौराह धनगढी हो ।