प्रथम दक्षिण एसियाली शारिरीक सुगठन प्रतियोगिता हुने 

काठमाडौं- नेपालमा पहिलो पटक प्रथम दक्षिण एसियाली शारिरीक सुगठन प्रतियोगिता हुने भएको छ । एसियाली फेडेरेसन अफ बडिबिल्डिङ एण्ड फिट्नेसको आयोजनामा पहिलो पटक तीन दिने दक्षिण एसियाली शारिरीक सुगठन प्रतियोगिता हुन लागेको हो । 

प्रतियोगिता यहि मंसिर ७ देखि ९ गते सम्म काठमाडौमा आयोजना हुने नेपाल फेडेरेसन अफ बडिबिल्डिङ एण्ड फिटनेस (एनएफबिएफ) ले पत्रकार सम्मेलनको आयोजना गर्दै जानकारी दिए । 

प्रतियोगितामा नेपाल लगायत भारत, पाकिस्तान, भुटान, अफगानिस्ता, बैगलादेश, श्रीलंका र मालदिभ्स गरि दक्षिण एसियाका आठ राष्ट्रको सहभागिता रहने एनएफबिएफले जानकरी दिएको छ । 
आठ राष्ट्रका १ सय भन्दा बढी खेलाडीले बिल्डिङतर्फ पुरुषको ६० केजी मुनी, ६५ केजी मुनी, ७० केजी मुनी, ७५ केजी मुनी, ८० केजी मुनी, ८५ केजी मुनी र ८५ केजी माथि प्रतिस्पर्धा गर्ने छन् । 

पुरुषकै फिजिकतर्फ १६८ सेन्टिमिटर मुनि, १७१ सेन्टिमिटर मुनि र १७१ सेन्टिमिटर माथि सहभागिता जनाउने छन् । त्यस्तै महिलातर्फ खुल्ला फिट्नेस र फिजिकको १६२ सेन्टिमिटर मुनि र माथि प्रतिस्पर्धा गर्ने छन् । 

नेपालबाट कुनै पनि विधामा दुई वा दुई भन्दा बढी खेलाडीले सहभागिता जनाउ सक्ने व्यवस्था गरेको एनएफबिएफका सदस्य सचिव लोकेन्द्र परियारले जानकारी दिए । 

अन्तराष्ट्रिय स्तरको प्रतियोगिता आयोजनाले नेपाली र नेपाली खेलाडीको छवी विश्वस्तर फैलाउन र नेपाली खेलाडीको पहुच बढाउन मद्दत पुग्नेका विश्वस्त रहेको एनएफबिएफका सदस्य सचिव परियारले दाबि गरे ।