टाटाका खुद्रा विक्रेतालाई नबिल बैंकबाट बिनाधितो फाइनान्स

नबिल बैंकले टाटाको जेन्यूइन पार्टपुर्जा र टाटा मोटर्स जेन्यूइन आयलका खुद्रा विक्रेतालाई सस्तो र सहज वित्तीय सुविधा उपलब्ध गराउने भएको छ।

टाटा जेन्यूइन पार्टस् र टाटा मोटर्स जेन्यूइन आयलको नेपालका लागि आधिकारिक वितरक सिप्रदी अटो पार्टस् प्रालि र नबिल बैंकबीच सहकार्य गर्ने सहमति भएको छ। सिप्रदी अटोपार्टस् प्रालिका वरिष्ठ महाप्रबन्धक युवराज बुढाथोकी र नबिल बैंकका एसएमई तथा माइक्रोफाइनान्स प्रमुख अमित श्रेष्ठले सम्झौतामा हस्ताक्षर गरेका छन्।

सम्झौता अनुसार नबिल बैंकले सिप्रदी अटोपार्टका खुद्रा विक्रेतालाई सहज र सस्तो वित्तीय सुविधा उपलब्ध गराउनेछ।