इपीएलको खेल तालिका सार्वजनिक, उद्धघाटन खेलमा ज्ञानेन्द्र र पारस भिड्ने

काठमाडौं- तेस्रो संस्करणको एभरेस्ट प्रिमियर लिग (इपीएल)को खेल तालिका सार्वजनिक भएको छ । डिसेम्बर ८ गते देखी २२ तारिख सम्म टीयू क्रिकेट मैदानमा १५ दिन सम्म चल्ने उक्त प्रतियोगिताको खेल तालिका सोमबार सार्वजनिक भएको हो ।

सोमबार सार्वजनिक भएको तालिका अनुसार प्रतियोगिताको उद्धघाटन खेलमा ज्ञानेन्द्र मल्ल कप्तान रहेको ललितपुर र पारस खड्काको नेतृत्वमा रहेको विराटनगर वारियर्सबीच प्रतिस्पर्धा हुने छ । समहु चरणमा एक टोलीले अर्को टोलीसँग खेल्नुपर्ने छ । 

प्रतियोगितामा सहभागि ६ टोली मध्यबाट समूहका शीर्ष ४ टोलीले प्ले अफमा स्थान बनाउने छन् । समूह चरणको खेल सकिएपछि अंक तालिकाका शिर्ष दुई टोली क्वालिफायर खेल खेल्ने छन् । विजेता टोलीले फाइनलमा सिधै स्थान बनाउने छ । 

तेस्रो र चौथो स्थानमा रहेका टिमले एलिमिनेटर खेल खेल्नुपर्ने हुन्छ । एलिमिनेटरको खेलमा विजेता टोलीले फाइनल प्रवेशको लागि क्वालिफायर १ मा पराजित टोलीसँग खेल्ने छ । समुह चरणका खेलमा विहान ९ र दिउँसो १ वजेबाट सुरु हुने छन् ।